KOMUNIKATË PËR MEDIA – Drejtori Murtezaj takon përfaqësuesit e programit të USAID për qeverisje ekonomike në Kosovë

Drejtori i Përgjithshëm i Administratës Tatimore të Kosovës Ilir Murtezaj, ka pritur sot në takim përfaqësuesit e programit të USAID për qeverisje ekonomike në Kosovë. Në këtë takim u diskutua për prioritetet lidhur më reformat në ATK dhe për mundësinë e mbështetjes në të ardhmen në realizimin e këtyre reformave.
Drejtori Murtezaj njoftoi të pranishmit me progresin e arritur dhe për prioritetet që ka ATK për të arritur objektivat e saj strategjike, si dhe vlerësoi lartë ndihmën që ka dhënë USAID në të gjitha fazat e zhvillimit të saj deri më tani, ku gjithashtu potencoi nevojën  mbështetjen edhe në të ardhmen.
 
Nga ana tjetër, Terry Slywka drejtor i programit, vlerësoi të arriturat e ATK-së dhe  njëherit ofroi mbështetjen e tij dhe të ekipit të tij për përkrahjen e ATK-së në fushat me prioritet.
 
Administrata Tatimore e Kosovës në vazhdimësi ka qenë e përkrahur nga miqtë e saj, në këtë drejtim USAID ka dhënë një kontribut të madh në modernizimin dhe avancimin e proceseve të punës në ATK.