Njoftim mbi organizimin e seminareve me tatimpagues

Publikuar më May 18, 2012 16:27

Administrata Tatimore e Kosovës, me qëllim të edukimit dhe informimit të tatimpaguesve, organizon seminare në të gjitha regjionet e ATK-së, me temat:

• Reformat në regjistrimin e bizneseve: “One stop shop”
• Reformat në deklarimin dhe pagesën e tatimeve – EDI
• Shembull praktik si bëhet regjistrimi në EDI, deklarimi dhe pagesa e tatimit nëpërmes EDI-t
• Risitë në Legjislacionin tatimor

Në këto seminare ftohen të marrin pjesë tatimpaguesit (organizata biznesi, njësi të përhershme, OJQ apo përfaqësues të tyre) dhe qytetarë të interesuar, me qëllim që të marrin informacione për: Regjistrimin e bizneseve, deklarimin dhe pagesën e tatimeve përmes sistemit elektronik, si dhe Risitë në Legjislacionin Tatimor.

(more…)

Vazhdon përkushtimi për tatimpaguesit – Rezultatet e para të deklarimit elektronik

Publikuar më May 17, 2012 16:30

Administrata Tatimore e Kosovës ka vazhduar përkushtimin e saj ndaj tatimpagueseve, lidhur me reformat në deklarimin elektronik të pagesave dhe tatimeve.

Me ç’rast sot ka organizuar një seminar edhe me përfaqësuesit e bankave komerciale dhe organizatat mikrofinanciare në Kosovë.
Qëllimi i këtij seminar ishte prezantimi i këtyre reformave me shembuj praktik,- se si duhet të regjistrohen tatimpaguesit në EDI dhe si bëhet deklarimi i pagesave përmes këtij sistemi. Duke potencuar se më tatimpaguesit nuk do të kenë nevojë që të humbin kohë për deklarimin e obligimeve tatimore, sepse mënyra e re do të marrë shumë më pak kohë dhe bizneset nuk do të kenë shpenzime. Kurse do të jetë edhe në të mirë të kontribuuesve pensionalë, pasi do të kufizohet në minimum mundësia e mungesës së informacionit në emër të kujt paguhen kontributet pensionale, një problem jo pak i vogël ky në të kaluarën.

(more…)

KOMUNIKATË PËR MEDIA – Takim konsultativ me palët e interesit

Publikuar më May 11, 2012 14:31

Në vazhdën e takimeve të përbashkëta institucionale, Administrata Tatimore e Kosovës ka mbajt sot takimin me palët e interesit, për të diskutuar rreth zhvillimeve dhe të arriturave të fundit në ATK.
Në këtë takim ku pjesëmarrës ishin përfaqësues nga Ministria e Financave, Dogana e Kosovës, Oda Ekonomike e Kosovës, Oda Ekonomike Amerikane, Aleanca Kosovare e Biznesit, Shoqata e Kontabilistëve të Certifikuar dhe Auditorëve të Kosovës, u njoftuan për së afërmi me zhvillimin e projekteve dhe reformave që janë realizuar së fundi për ofrimin e lehtësirave dhe të bërit biznes.
Gjatë takimit pjesëmarrësit -palët e interesit, kanë shprehur gatishmërinë për bashkëpunim dhe mbështetje të çfarëdo projekti i cili është në interes të tatimpaguesve. Ata po ashtu, theksuan se ngritja e kapaciteteve vepruese, rritje e shërbimeve kualitative ndaj tatimpagueseve që është duke krijuar ATK-ja, në bashkëpunim me institucionet tjera, janë duke treguar rezultate pozitive, që në hapat e parë. Ku sipas tyre përkushtime të tilla janë inkurajuese për çdo qytetar, e veçanërisht për obliguesit tatimor.

(more…)

Page 132 of 160« First...102030...130131132133134...140150160...Last»