I nderuar tatimpagues,

 

Me respekt për kërkesën tuaj edhe pse pyetja është e përgjithshme, ju lutem informohuni si në vijim:

 

Në paragrafin 1 dhe 2 të nenit 47 të Ligjit Nr. 03/L-222 për Administratën Tatimore dhe Procedurat, transaksionet e këmbimit konsiderohen si furnizime me para në dorë, citojmë:

 

“1. Transaksionet e këmbimit do të konsiderohen si shitje e mallrave ose rezultat i punës apo shërbimit të bëra me vlerë tregu.
2. Faturat tatimore duhet të lëshohen për transaksionet e këmbimit në mënyrë të njëjtë sikur të jenë lëshuar për transaksione me para në dorë. Nëse vlera e transaksionit me këmbim e paraqitur në faturën tatimore është vlerë e zvogëluar, Drejtori i Përgjithshëm mund të rregullojë vlerën e transaksionit për të reflektuar vlerat e tregut. Nën-deklarimi i të ardhurave dhe arkëtimet e shmangura”.

 

Kur kemi të bëjmë me transaksione të këmbimit (barter) si pjesë e kontratës ndërtimore afatgjate, ky transaksion njihet e ardhur ose shpenzim në vlerën e tregut në momentin e ndodhjes së transaksionit të këmbimit, në pajtueshmëri me dispozitat si më lartë. Siç është përmendur në kërkesën tuaj, nëse pronarin e tokës e faturoni për lokale afariste, faturimi duhet të jetë me TVSH. Nëse pjesë e faturimit është edhe ndonjë hapësirë e banimit, atëherë për pjesën e banimit duhet të faturoni pa  TVSH.

Faturimi duhet të bëhet në periudhën e ndodhjes së transaksionit. Faturimi duhet të jetë me çmimin e tregut sikurse te shitjet e lokaleve/banesave qe bëhen me kundër vlerë paranë.

 

Me respekt,

ATK26245/2021

I nderuar tatimpagues,

 

Me respekt për kërkesën tuaj, ju lutem informohuni si në vijim:

 

Sipas nenit 38, paragrafi 1 të Ligjit Nr. 05/L-028 për Tatimin në të Ardhurat Personale, është përcaktuar obligimi i tatimit të mbajtur në burim dhe kontribute pensionale, citojmë:

 

“ 1. Secili punëdhënës është përgjegjës të mbajë në burim tatimin nga pagat e tatueshme të paguara punëtorëve të tij, duke përfshirë edhe pagesat për shërbimet profesionale, teknike, të menaxhimit, financiare, pagesat për kontratat mbi vepër, pagesat për shfaqje të aktorëve, muzikantëve, sportistëve, agjentëve të varur etj, gjatë çdo periudhe të listë pagesës për të cilën të ardhurat e tyre janë paguar.”

 

Sipas arsyetimit ligjor të dhënë më sipër dhe sqarimeve të dhëna në kërkesën tuaj, obligimi për tatim të mbajtur në burim dhe kontribute pensionale lind në momentin kur paga bëhet e pagueshme. Për pagën e paguar për periudhën 1-20 qershor lind obligimi i tatimit të mbajtur në burim dhe kontribute pensionale mbi pagën e pagueshme. Meqenëse për periudhën e pushimit pa pagesë, i punësuari nuk kompensohet nga kompania, për qëllime tatimore, rrjedhimisht nuk lindin obligimet e tatimit të mbajtur në burim dhe kontribute pensionale.

 

Për çdo paqartësi apo informatë shtesë,  ju lutem vizitoni zyrën e Shërbimit dhe Edukimit te Tatimpaguesve në Regjionin të cilit i përkisni.

 

Me respekt,

ATK26246/2021

I nderuar  tatimpagues,

 

Me respekt për kërkesën tuaj, ju lutemi informohuni si në vijim:

 

Sipas vendimit të Qeverisë Nr. 08/08 datë 21.04.2021 janë paraparë  subvencionimi i pagës së punëtorëve  dhe qirave deri në nivelin 50% të pagës  neto të të punësuarit, e llogaritur mbi pagën bruto dhe duke qenë  të liruar nga tatimi sipas legjislacionit në fuqi , deri  në maksimum 500€ dhe bëhet në llogarinë e të punësuarit.

Subvencionimi i qirasë sipas këtij vendimi bëhet  në nivelin deri në 50%   të qirasë neto , deri në maksimum 2,500€ për njësi /filiale, për bizneset qiramarrëse duke qenë të liruara nga tatimi  sipas legjislacionit në fuqi.

Pjesa tjetër  prej 50% të pagës dhe qirasë  ju mbetet  juve ta  deklaroni dhe të paguani obligimet tatimore përmes Sistemit Elektronik EDI.

 

Me respekt,

ATK26247/2021

I nderuar tatimpagues,

 

Me respekt për kërkesën tuaj, ju lutem informohuni si në vijim:

 

Nëse biznesi tatohet në qarkullimin bruto, atëherë për qëllime tatimore, pjesa e shitjeve të mbushjeve të telefonit, deklarohet vetëm  provizioni i shërbimit, siç është në marrëveshje me furnitorin dhe obligimi tatimor llogaritet me normën tatimore 9%, të qarkullimit/provizionit të akumuluar për tre muaj. Në të kundërtën, nëse biznesi tatohet në të ardhurat reale, atëherë konsiderohet se i furnizon vet ato shërbime, pra, mbushjet e telefonit i trajton si blerje me çmimin e blerjes dhe të njëjtat i konsideron shitje me çmim të shitjes, dhe për diferencën paguani obligimet tatimore.

 

Për çdo paqartësi apo informatë shtesë,  ju lutem vizitoni zyrën e Shërbimit dhe Edukimit te Tatimpaguesve në Regjionin të cilit i përkisni.

 

Me respekt,

ATK26251/2021

Please fill in an answer