Menu
Raportime 0800 80 800
Menu
Menu
Duke raportuar rastet e evazionit tatimor, rastet korruptive, abuzimet me detyrën zyrtare, si dhe sjelljet jo profesionale të zyrtarëve tatimor, ju kryeni një mision shumë fisnik ndaj vendit tuaj.
Administrata Tatimore e Kosovës vlerëson kontributin e secilit tatimpagues që kryen vullnetarisht obligimet tatimore, por kemi raste kur disa tatimpagues dhe individë përdorin metoda të paligjshme për të evituar tatimin, për çka ndërmarrim masat e nevojshme ligjore. Shmangia nga tatimi bën që të mos kemi konkurrencë të drejtë dhe trajtim të barabartë ndaj tatimpaguesve.
Telefonata juaj do të jetë pa pagesë pavarësisht nëse thërrisni nga një numër telefoni fiks ose celular në numrin: 0800 80 800. Nga e hëna deri të premten (8:00 – 16:00) zyrtarët nga Qendra e Thirrjeve ju përgjigjen thirrjeve tuaja.
Po ashtu, ju mund të dërgoni e-mail në këtë adresë: Standardet.Profesionale@atk-ks.org
Aplikacioni i raportimit të punëtorëve për punëdhënësin është instrument i veçantë, e gjeni KETU, përmes së cilit mund të verifikoni vetën nëse jeni të deklaruar nga punëdhënësi juaj, në rast se nuk figuroni në listat e punëtorëve të deklaruar, ju keni mundësinë e raportimin të punëdhënësit.
Administrata Tatimore e Kosovës ju inkurajon të jeni pjesë e luftës kundër evazionit tatimor. Ju keni fuqinë për të ndihmuar në këtë përpjekje të rëndësishme. Ju sigurojmë, që identiteti juaj do të mbetet anonim, pasi që raportimi juaj është i rëndësishëm për të mbrojtur interesat tuaja dhe të vendit tonë.
Bashkarisht, ne mund të ndihmojmë në forcimin e ligjit dhe të transparencës në sistemin tatimor.
Faleminderit për angazhimin tuaj, për një shoqëri më të drejtë dhe të barabartë për të gjithë!
